Обратная связь
Карта сайта
Каталог сайтов
 
 
Контакты Встреча с Православием Отзывы Нужна помощь
 
Главная » О храме » Путеводитель » Иконы » Молебен святой Монике Тагастской

Молебен святой Монике Тагастской

 

Свящ.: Благословен Бог наш всегда,  ныне и присно, и во веки веков.
Хор: Аминь.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Затем поем Бог Господь: на глас 3
Свящ.: Бог Господь и явися нам, благословен Грядый во имя Господне.
Стих 1. Исповедайтеся Господеви, яко благ, яко в век милость Его.
Стих 2. Обышедше обыдоша мя и именем Господним противляхся им.
Стих 3. Не умру, но жив буду и повем дела Господня.
Стих 4. Камень, Егоже небрегоша зиждущии, Сей бысть во главу угла, от Господа бысть Сей и есть дивен во очесех наших.

Тропарь глас З:
Святая блаженная мати Монико, / моли милостиваго Бога, /да прегрешений оставление / подаст душам нашим.

Далее запевы по 3 раза (священник запев, хор повторяет):
• Пресвятая Троице, Боже наш, Слава тебе.
• Иисусе сладчайший спаси нас.
• Пресвятая Богородице, спаси нас.
• Святая блаженная мати Монико, моли Бога о нас.
• Слава Отцу и Сыну и Святому Духу, и ныне и присно, и во веки веков. Аминь.

Последи глаголем припев:
Моли Бога о нас, святая блаженная мати Монико / яко мы усердно к тебе прибегаем, // скорой помощнице и молитвеннице о душах наших.

По сем тропари во глас 6:
Еже радуйся. Ангелом приимшая / и рождшая Зиждителя Твоего, // Дево, спасай Тя величающия.
Воспеваем Сына Твоего, Богородице, / и вопием: Пречистая Владычице, // всякия беды избави рабы Твоя.
Недугов, и всяких болезней, / и бед нас свободи, // к священному Твоему покрову прибегающих.
Слава Отцу и Сыну и Святому Духу. / Отца и Сына славословим / и Духа Святаго, глаголюще: // Троице Святая, спаси души наша.
И ныне, и присно, и во веки веков. Аминь. / Неизреченно в последняя заченшая / и рождшая Создателя Твоего, // Дево, спасай Тя величающия.
Милосердия двери отверзи нам, / благословенная Богородице, / надеющиися на Тя, да не погибнем, / но да избавимся тобою от бед: / Ты бо еси спасение // рода христианскаго.

Свящ.: Господу помолимся...
Хор: Господи помилуй
Свящ.: Яко Свят еси Боже наш...
Хор: Аминь. Ныне наста время, всех освящающее, / и праведный нас ждет Судия, / но обратися, душе, к покаянию, / яко блудница, зовущи со слезами: // Господи, помилуй мя.
Водами одождивый, Христе, источник исцелений, / во Всечестнем храме Девы днесь / Твоего благословения окроплением/ отгоняеши недуги немощствующих, // Врачу душ и телес наших.
Дева родила еси Неискусобрачная / и Дева пребыла еси, Мати безневестная, / Богородице Марие, // Христа Бога нашего моли спастися нам.
Пресвятая Богородице Дево, / рук наших дела исправи / и прощение прегрешений наших испроси, // внегда пети нам ангельское пение:
Святый Боже, / Святый Крепкий, / Святый Безсмертный, // помилуй нас (З раза).

И абие прокимен, глас 3:
Господь, Просвещение мое, и Спаситель мой, кого убоюся?
Стих. Господь Защититель живота моего, от кого устрашуся?

К Евреем послания святаго апостола Павла чтение:
Братие, святяй и освящаемии от Единаго вси, еяже ради вины не стыдится братию нарицати их, глаголя: возвещу имя Твое братии Моей, посреде церкве воспою Тя. И паки: Аз буду надеяся Нань. И паки: се Аз и дети, яже Ми дал есть Бог. Понеже убо дети приобщишася плоти и крови, и Той приискренне приобщися техже, да смертию упразднит имущаго державу смерти, сиречь диавола. И избавит сих, елицы страхом смерти чрез все житие повинни беша работе. Не от Ангел убо когда приемлет, но от Семене Авраамова приемлет. Отнюдуже должен бе по всему подобитися братии, да милостив будет и верен первосвященник, яже к Богу, во еже очистити грехи людския. В немже бо пострада, Сам искушен быв, может и искушаемым помощи.

Аллилуиа, глас 6.
Стих 1. Отрыгну сердце мое слово благо.
Стих 2. Глаголю аз дела моя цареви.

И чтется Евангелие от Иоанна, зачало 14.
Во время оно, взыде Иисус во Иерусалим. Есть же во Иерусалимех в овчей купели, яже глаголется еврейски Вифесда, пять притвор имущи. Тех лежаше множество болящих, слепых, хромых, сухих, чающи движения воды. Ангел бо Господень на всяко лето схождаше в купель возмущаше воду, и иже первее влазяше по возмущении воды, здрав бываше, яцем же недугом одержим бываше.

Также диакон ектению мирную:
Диакон: Миром Господу помолимся.
Хор: Господи, помилуй.

Свящ.:  О свышнем мире и спасении душ наших, Господу помолимся.
Хор: Господи, помилуй.
Свящ.:  О мире всего Mipa, благостоянии святых Божиих церквей, соединении всех, Господу помолимся.
Хор: Господи, помилуй.
Свящ.:  О святем храме сем и с верою, благоговением и страхом входящих в онь, Господу помолимся.
Хор: Господи, помилуй.
Свящ.: О Великом Господине и отце нашем Святейшем Патриархе (имярек) и о господине нашем (высоко)преосвященнейшем митрополите (или: архиепископе, или: епископе) (имярек), честнем пресвитерстве, во Христе диаконстве, о всем причте и людех, Господу помолимся.
Хор: Господи, помилуй.
Свящ.:  О Богохранимей стране нашей, властех и воинстве ея, Господу помолимся.
Хор: Господи, помилуй.
Свящ.:  О граде сем (или: о веси сей, или: о святей обители сей), всяком граде, стране и верою живущих в них, Господу помолимся.
Хор: Господи, помилуй.
Свящ.:  О благорастворении воздухов, о изобилии плодов земных, временех мирных, Господу помолимся.
Хор: Господи, помилуй.
Свящ.:  О   плавающих,   путешествующих,   недугующих, страждущих, плененных и о спасении их, Господу помолимся.
Хор: Господи, помилуй.
Свящ.:  О еже освятитися водам сим силою и действием, и наитием Святаго Духа, Господу помолимся.
Хор: Господи, помилуй.
Свящ.:  О еже снизходити на воды сия очистительному Пресущныя Троицы действу, Господу помолимся.
Хор: Господи, помилуй.
Свящ.:  О еже быти воде сей целительной душ и телес, и всякия сопротивныя силы отгнательней, Господу помолимся.
Хор: Господи, помилуй.
Свящ.:  О еже бытии воде сей целительной душ и телес, и всякия сопротивныя силы отгнательней, Господу помолимся.
Хор: Господи, помилуй.
Свящ.: О всех требующих от Бога помощи и заступления, Господу помолимся.
Хор: Господи, помилуй.
Свящ.:  О еже просветитися нам просвещением разума, Единосущною Троицею, Господу помолимся.
Хор: Господи, помилуй.
Свящ.:  Яко да Господь Бог наш покажет ны сыны и наследники Царствия Своего, воды сея причащением же и кроплением, Господу помолимся.
Хор: Господи, помилуй.
Свящ.: О избавитися нам от всякия скорби, гнева и нужды, Господу помолимся.
Хор: Господи, помилуй.
Свящ.:  Заступи, спаси, помилуй и сохрани нас, Боже, Твоею благодатию.
Хор: Господи, помилуй.
Свящ.:  Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.
Хор: Тебе, Господи.
Возглас: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.
Хор: Аминь.

Священник же читает молитву:
Приклони, Господи, ухо Твое и услыши ны, Иже во Иордане креститися изволивый и освятивый воды, и благослови всех нас, иже преклонением своея выи назнаменающих работное воображение, и сподоби нас исполнитися освящения Твоего, воды сея причащением, и да будет нам, Господи, во здравие души и тела.

Возглас: Ты бо еси освящение наше, и Тебе славу и благодарение и поклонение возсылаем, со Безначальным Твоим Отцем, и Всесвятым Благим, и Животворящим Твоим Духом, ныне и присно, и во веки веков.
Хор: Аминь.

Тропарь, глас 1
Спаси, Господи, люди Твоя / и благослови достояние Твое, / победы (православным христианам) на сопротивныя даруя // и Твое сохраняя Крестом Твоим жительство.

И бывает кропление и поем тропарь Гпас 8:
Владычице, приими молитвы раб Твоих // и избави нас от всякия нужды и печали.

По кроплении же ектения сугубая:
Диакон: Помилуй нас, Боже, по велицей милости Твоей, молим Ти ся, услыши и помилуй.
Хор: Господи, помилуй (трижды)
Свящ.: Еще молимся о Великом Господине и отце нашем, Святейшем Патриархе (имярек), и о господине нашем преосвященнейшем митрополите (или архиепископе, или епископе) (имярек), и о всей во Христе братии нашей.
Хор: Господи, помилуй (трижды)
Свящ.: Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Хор: Господи, помилуй (трижды)
Свящ.: Еще молимся о милости, жизни, мире, здравии, спасении, посещении и прощении и оставлении грехов рабов Божиих, (имярек, и поминает ихже хощет) и всех православных христиан.
Хор: Господи, помилуй (трижды)
Свящ.: Еще молимся о еже сохранитися граду сему (или веси сей), и святому храму сему (аще же во обители: святей обители сей), и всякому граду и стране, от глада, губительства, труса, потопа, огня, меча, нашествия иноплеменников и междоусобныя брани; о еже милостиву и благоуветливу быти благому и человеколюбивому Богу нашему, отвратити всякий гнев на ны движимый, и избавити ны от належащаго и праведнаго Своего прещения и помиловати ны.
Хор: Господи, помилуй. (40)
[Свящ.: Еще молимся и о еже услышати Господу Богу глас моления нас, грешных, и помиловати нас.
Хор: Господи, помилуй (трижды).]

Свящ.: Ко святой блаженной матери Монике помолимся.
Хор: Святая блаженная мати Моника, моли Бога о нас.

МОЛИТВА
О, святая блаженная мати Монико! Подвигом добрым подвизавшися на земли, восприяла еси на небесех венец правды, егоже уготовал есть Господь всем любящим Его. Темже радуемся о преславнем скончании жительства твоего и чтим святую память твою. Ты же, предстоящи Престолу Божию, приими моления наша и ко всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще единаго во святых Своих славимаго Бога, Отца и Сына и Святаго Духа, ныне и присно и во веки веков.

 Диаион: Премудрость.
[Свящ.: Пресвятая Богородице, спаси нас]
Хор: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.
Свящ.: Слава Тебе, Христе Боже, упование наше, слава Тебе.
Хор: Слава и ныне: Господи, помилуй. (трижды). Благослови.

Священник отпуст:
[В неделю: Воскресый из мертвых,] Христос, истинный Бог наш, молитвами Пречистыя Своея Матере, святых славных всехвальных Апостол, (и святаго, егоже есть храм, и святаг егоже есть день), святых и праведных богоотец Иоакима и Анны, всех святых, помилует и спасет нас, яко благ и человеколюбец.

Хор: Господи, помилуй. (трижды)

Священник отпуст:
Величаем тя, / святая блаженная мати Монико, / и чтим святую память твою, / ты бо молиши за нас Христа Бога нашего.


__

downloadСкачать молебен святой Монике Тагастской (.zip, 30 Kb)

 

 

Православный календарь



Фото месяца

Мать и дитя

Мать и дитя


Как получить пользу от духовника    Чистая правда о православных священниках

молитвы, молитвослов, акафисты, псалтирь   Православная энциклопедия

http://www.elohovosobor.ru/sites/default/files/pixelart2.gif Школа Звонарей. Колокола, обучение, звонари

группа сайтов ПЕРЕЖИТЬ.РУ Яндекс.Метрика

Введите ваш запрос для начала поиска.